Azərbaycan energetika sahəsində uzun illər bir çox ölkələrin enerji təhlükəsizliyini gücləndirən addımlar atmışdır.
Azərbaycan Respublikası energetika sahəsində uzun illər ərzində həyata keçirdiyi strateji layihələr və beynəlxalq əməkdaşlıq təşəbbüsləri vasitəsilə bir çox ölkələrin enerji təhlükəsizliyinin gücləndirilməsində mühüm rol oynamışdır; belə ki, ölkənin təşəbbüsü ilə reallaşdırılan və ümumi uzunluğu təxminən 3500 kilometr olan Cənub Qaz Dəhlizi sistemi (Şahdəniz yatağından hasil olunan qazın Cənubi Qafqaz Boru Kəməri, TANAP və TAP vasitəsilə Avropaya nəqli) Xəzər regionunun enerji resurslarını birbaşa olaraq Avropa bazarına çıxararaq enerji mənbələrinin və marşrutlarının şaxələndirilməsinə real imkan yaratmışdır; statistik göstəricilər də bu rolu aydın şəkildə təsdiqləyir: Azərbaycan son illərdə Avropaya illik 12–13 milyard kubmetr həcmində təbii qaz ixrac etmiş və qaz tədarük etdiyi Avropa ölkələrinin sayı 14-ə çatmışdır, yaxın perspektivdə isə bu rəqəmin daha da artırılması planlaşdırılır; bununla yanaşı, Bakı–Tbilisi–Ceyhan neft kəməri vasitəsilə Xəzər neftinin dünya bazarına təhlükəsiz şəkildə çıxarılması, eləcə də Azərbaycan qaz ixracının son illərdə 50 faizdən çox artması ölkənin qlobal enerji bazarında etibarlı və sabit tərəfdaş kimi mövqeyini daha da möhkəmləndirmişdir; əlavə olaraq, Azərbaycan Avropa İttifaqı ilə imzaladığı enerji əməkdaşlığı sənədləri çərçivəsində qaz tədarükünü artırmağı öhdəsinə götürmüş, eyni zamanda bərpa olunan enerji sahəsində – xüsusilə külək və günəş enerjisi istiqamətində – iri layihələrə start verərək gələcəkdə “yaşıl enerji” ixracatçısına çevrilməyi hədəfləmişdir ki, bütün bu faktlar ölkənin yalnız mövcud enerji ehtiyatlarının ixracı ilə kifayətlənmədiyini, həm də uzunmüddətli perspektivdə beynəlxalq enerji təhlükəsizliyinə davamlı və çoxşaxəli töhfə verdiyini açıq şəkildə nümayiş etdirir.
Veteran müəllim Vəfadar Niftəliyev
