Ötən həftənin hadisələri göstərdi ki, bütün səylərinə baxmayaraq, Avropa liderlərinin ABŞ prezidenti Donald Tramp üzərində heç bir təsiri yoxdur və Tramp onları amansız tənqid etməyə davam edir.
“Xeberaz.info” xəbər verir ki, bu barədə “Time” jurnalı yazıb.
Məqalə müəllifləri hesab edirlər ki, ABŞ-nin təqdim etdiyi sülh planı Rusiya prezidenti Vladimir Putinə təslim olmaqdır. Bundan başqa, Amerika lideri “Politico”ya müsahibəsində Avropanı Ukrayna məsələsində fəaliyyətsizlikdə ittiham edib.
“Time” yazır ki, Tramp Avropanı danışıqlar prosesindən tamamilə kənarlaşdırıb.
Bundan əvvəl Donald Tramp “Politico”ya müsahibəsində bildirmişdi ki, Avropa yalnız Ukraynadan danışır, lakin Moskva ilə Kiyev arasındakı münaqişənin həlli üçün heç bir iş görmür.
