YAP xalqın partiyasıdır
Yeni Azərbaycan Partiyasının yaranması və sonrakı fəaliyyəti onun mahiyyət etibarilə xalqın iradəsinə söykənən, milli maraqları qorumağı qarşısına məqsəd qoyan bir siyasi qüvvə olduğunu göstərir. Ulu Öndər Heydər Əliyevin rəhbərliyi ilə formalaşan bu partiya ölkəmizin müstəqillik yolunda keçdiyi mürəkkəb tarixi mərhələlərdə dövlətçilik ənənələrinin bərpasında, siyasi sabitliyin təmin olunmasında və sosial-iqtisadi inkişafın istiqamətləndirilməsində həlledici rol oynamışdır. YAP yarandığı gündən cəmiyyətin bütün təbəqələrini əhatə edən geniş sosial dayaqlara malik ümumxalq partiyası kimi formalaşmışdır.Ulu Öndər Heydər Əliyevin yaratdığı partiya ötən illər ərzində ölkəmizdə siyasi sabitliyin və davamlı inkişafın təminatçısı kimi çıxış etmişdir. Azərbaycan dövlətçiliyinin ən çətin anlarında YAP həm siyasi idarəetmə, həm də sosial birlik baxımından stabilizasiya missiyasını uğurla həyata keçirmişdir. Partiyanın qəbul etdiyi qərarlar, həyata keçirdiyi proqramlar və dövlət siyasətində oynadığı aparıcı rol ölkənin inkişafının əsas sütunlarından birinə çevrilmişdir. Bu səbəbdən YAP-ın siyasəti xalq tərəfindən rəğbətlə qarşılanmış və geniş ictimai dəstək qazanmışdır.Qısa müddət ərzində ümumxalq partiyasına çevrilmiş Yeni Azərbaycan Partiyasının uğurları həm təşkilati, həm siyasi, həm də ideoloji sahədə özünü göstərmişdir. YAP-ın üzvlük bazasının sürətli artması, ölkənin bütün bölgələrində və sosial təbəqələrində geniş tərəfdar dəstəyinin formalaşması onun cəmiyyətlə birbaşa əlaqələrinin dərinliyini göstərir.
Bu gün partiya yüz minlərlə üzvü ilə ölkənin ən böyük siyasi qüvvəsidir və fəaliyyətində dövlət maraqlarını, vətəndaş rifahını və milli inkişaf hədəflərini birinci plana çıxarır.Yeni Azərbaycan Partiyasının keçdiyi yol həm şərəfli, həm də məqsədyönlü olmuşdur. Müstəqilliyin qorunması, siyasi sistemin möhkəmləndirilməsi, iqtisadi tərəqqinin təmin olunması, beynəlxalq nüfuzun yüksəldilməsi və müasir dövlətçilik modelinin formalaşdırılması istiqamətində partiyanın xidmətləri çoxşaxəlidir. Bu gün də YAP öz fəaliyyətini xalqın rifahına, ictimai-siyasi sabitliyin qorunmasına və Azərbaycanın strateji inkişaf hədəflərinə uyğun şəkildə davam etdirir.Yeni Azərbaycan Partiyasının xalqın partiyası olması onun tarixi missiyasından, geniş ictimai dayaqlarından və müstəqil dövlətimizin qurulmasında oynadığı aparıcı roldan irəli gəlir. Partiyanın fəaliyyət fəlsəfəsi xalqın etimadını qazanmaq, xalqı daha firavan gələcəyə aparmaq və dövlətçiliyi gücləndirmək üzərində qurulmuşdur.
Zərdab rayon Məmmədqasımlı kənd ağsaqqalı Mirzəliyev Osman Alcan oğlu
