ABŞ prezidenti Donald Trampın dövründə Vaşinqton orta və yaxın mənzilli raketlərin yerləşdirilməsini yalnız genişləndirməyə çalışır. Rusiya isə bu addımlara qarşı cavab olaraq öz moratoriyasını dayandırmağa hazırlaşır.
”Xeberaz.info” xəbər verir ki, bu barədə Rusiya Xarici İşlər Nazirinin müavini Sergey Ryabkov açıqlama verib. Onun sözlərinə görə, Moskvanın bu sahədəki səbirli və təmkinli siyasəti Qərb tərəfindən qiymətləndirilməyib:
“Orta və yaxın mənzilli raketlərin yerləşdirilməsinə dair Rusiyanın tətbiq etdiyi moratoriya artıq məntiqi sonluğa yaxınlaşır. Çünki Qərb bu jestə qarşılıq vermədi”.
Ryabkov əlavə edib ki, Tramp administrasiyası regionda hərbi balansı pozacaq şəkildə raket fəaliyyətini artırmaqda davam edir və bu, Rusiya üçün ciddi təhlükə yaradır.
