Müğənni Samirə Əfəndinin Qazaxıstanda keçirilən beynəlxalq müsabiqədə Ermənistan təmsilçisinə 12 xal verməsi və onun tərəfindən qucaqlanaraq təbrik edilməsi sosial şəbəkələrdə ciddi rezonans doğurmuşdu. Məsələ ətrafında gedən müzakirələr səngiməmiş sənətçi növbəti paylaşımı ilə yenidən diqqət mərkəzinə düşüb.
”Xeberaz.info” xəbər verir ki, Samirə Əfəndi sosial media hesabında “Quran”dan ayə paylaşaraq ədalətli olmağın vacibliyini xatırladıb: “…Və qoy hansısa bir xalqa olan nifrət sizi ədalətsiz olmağa vadar etməsin. Ədalətli olun – bu, təqvaya daha yaxındır…”
Bu paylaşım da müxtəlif reaksiyalar doğurub və ictimai müzakirələri daha da gücləndirib.
Gərgin müzakirələrin davam etdiyi bir vaxtda mərhum Xalq artisti Ramiz Novruzun qızı, tanınmış stilist-vizajist Şəfəq Novruzun paylaşımı da gündəmə düşüb. O, erməni əsilli məşhur stilist Georgi Kotla fotosunu paylaşaraq onu “çox dəyərli müəllimim, mənim üçün müqəddəs insan” sözləri ilə təqdim edib. Bu paylaşım da sosial mediada ciddi narazılığa səbəb olub və tənqidlər doğurub. Qeyd edək ki, Georgi Kot Abxaziyada erməni ailəsində doğulub, anası Susanna Aqozyan erməni əsillidir.
Gündəmin əsas mövzusuna çevrilən bu məsələ ilə bağlı antiterror əməliyyatları zamanı qəhrəmancasına şəhid olmuş mayor Vüqar Heydərovun xanımı Ülkər Heydərova Musavat.com-a danışıb: “Samirə xanımın erməniyə 12 xal verməsi və onu qucaqlaması ilə bağlı videoya baxdım və onu anlamağa çalışdım. Lakin bu xanımın hərəkətlərinə bir məna verə və anlaya bilmədim. Görünür, Samirə nəsə etmək istəyib, lakin nəticədə doğru olmayan zamanda yanlış edib. Mən tək şəhid ailəsi kimi deyil, bir bəşər övladı kimi deyirəm, tarix təkrarı sevmir və səhvi bağışlamır. Hər bir millətin özünə xas xüsusi dəyərləri, genetikası var. Erməni milləti genetik olaraq hannibaldır. Bunu Xocalı faciəsini yaşamış millətin nümayəndəsi kimi deyirəm. Mən də, həyat yoldaşım da bu faciələri görə-görə böyüdük. İndi Samirə xanımın ermənini qol açaraq, qucaqlaması öz millətini danmaq deməkdir.
Müharibənin bitməsindən 50 yox, 5 il keçib. Belə bir dövrdə, insanların yarasının sağalmadığı bir zamanda bu cür hərəkət etmək arı yuvasına çomaq soxmaq deməkdir. Azərbaycan xalqının yarıdan çoxunun ailəsində bu və ya digər şəkildə şəhid var. Uzaq və ya yaxın qohum olaraq hər kəs yaralıdır. Yaranın sağalmadığı dövrdə Samirə xanımın bu addımı nə dərəcədə doğrudur. Ona ajiotaj lazım idisə, başqa formada edərdi. Samirə xanım, bunu belə bir formada niyə edirsiniz, niyə xalqın yarasını deşirsiniz?
Siz həqiqətənmi general nəvəsisiniz və qazi qızısınız?! Qazi qızı heçmi düşünmədi? Mənim həyat yoldaşım 18 il vətənə xidmət etdi, onunla birgə mən də sanki hərbçi idim və ximət edirdim. O, harada idisə, ailəsi də arxasınca oraya gedirdi. Empati qururam ki, Samirə xanımın yerində olsam, nə edərdim? Və cavab verirəm ki, ermənini qucaqlamazdım. Doğrudur, biz tolerant ölkəyik. Ancaq bizim dəyərlərimiz Qarabağda ermənilər tərəfindən məhv ediləndə dünya, insanlıq səsini çıxarmırdı. Niyə insanlıq bizə gələndə yada düşmədi? Samirə xanım erməniyə 12 xal verib qucaqlayanda bunu heçmi düşünmədi? Natavanın, Bülbülün güllələnmiş heykəllərini heç ağlına gətirmədi? Axı bunlar uzaq keçmiş deyil, 30 il bundan öncə bizim ədəbiyyatımıza, musiqimizə güllə atılmışdı. Bax bunlara görə Əfəndi 100 dəfə düşünüb hərəkət etməliydi”.
Şəhid xanımı bildirib ki, həbçi qızı insanların yarasına, kədərinə hörmət etməli idi: “Samirə xanım hansı humanizmdən, insanlıqdan danışır. Açıqlamaları ilə özünə haqq qazandırır. Bir qazinin qızı heçmi milli mənsubiyyətinə, ailəsinin, xalqının yaşadığına hörmətlə yanaşmır?
Eyni səhvi Şəfəq Novruz da etdi. Şəfəq xanım erməni stilisti ustadı adlandırır, üzündən öpür. Bunu paylaşmaqla nə demək istəyirsiniz? Niyə insanları qıcıqlandırırsınız? İnsanların yaşadıqlarına hörmət etmirsiniz? Bizi açıq şəkildə paylaşmaqla niyə yandırıb tökürsünüz? Axı bizim həyat yoldaşlarımız sizin bu gün yaşadığınız vətən uğrunda şəhid olub. İmkan verin ki, yaramız qurusun. Halva sizin evdə bişmədikcə şirin gəlir. O şəhidləri biz vermişik.
Erməni bloger deyir ki, azərbaycanlı qadınların eməni kişilərə marağı var. Günah onun deyil, günah bizim ermənini öpən və qucaqlayan qadınlarımızdadır. Bu sözün ağırlığınızı anlayırsınızmı, Samirə və Şəfəq xanım. Hərəkətlərinizlə o şərəfsizə imkan vediniz ki, Azərbaycan xalqının namusuna dil uzatsınlar.
Doğrudur, dövlətimiz sülh yolunda addım atır. Dövlət müdrikdir, o bilir nə edir, 50-200 il sonranı düşünür. Siz özünüzü onunla müqayisə etməyin”.
