05.06.2025-ci il tarixində Şəhid Hüseynov Rəhim Qədir oğlunun ailəsi ziyarət olundu.
“Xeberaz.info” xəbər verir ki, “Şəhid ocağı” layihəsi çərçivəsində Zərdab rayon Gənclər və İdman sektoru və Zərdab Gənclər evinin əməkdaş və könüllüləri tərəfindən ailəyə dəstək məqsədi ilə ev işlərində yardım göstərilərək çay süfrəsi hazırlanıb və şəhidin ailəsinin dilindən qəhrəmanımızın həyatı və döyüş yolu dinlənilib.
Layihənin keçirilməsində məqsəd Şəhidlərin xatirəsinin yad edilməsi və Şəhid ailələrinə diqqət və qayğının göstərilməsidir.
”Şəhid ocağı” layihəsi çərçivəsində öz təşəbbüsü ilə təşkilatçılara göstərdiyi dəstəyə görə layihənin sponsoru “Aydın” Supermarketin rəhbərliyinə dərin təşəkkürümüzü bildiririk.
Şəhidlər ölməz, vətən bölünməz!
