Ukrayna hərbçiləri Rusiya ordusunun tərkibində döyüşən iranlı muzdlu Arəş Dərbəndini əsir götürüb.
Xeberaz.info xəbər verir ki, bu haqda “United 24” məlumat yayıb.
İranın Əhvaz şəhərindən olan 34 yaşlı Dərbəndi iş axtarmaq üçün Rusiyaya getdiyini, orada fotoqraflıq etdiyi zaman saxlanılaraq məcburi şəkildə müharibəyə göndərildiyini deyib:
“Məni həbs edərək hərbi bazaya apardılar və orada iki şərt qoydular: ya 1 il müddətinə cəbhəyə getməliyəm, ya da 3-5 il həbs cəzasına məhkum ediləcəm. Mən birincini qəbul etməyə məcbur oldum”.
