Almaniya Rusiya ilə artan müharibə təhlükəsi fonunda bunkerləri və bomba sığınacaqlarını artırmağı planlaşdırır.
”Xeberaz.info” xəbər verir ki, bu barədə “The Guardian” nəşri məlumat yayıb.
Nəşrin yazdığına görə, Almaniya silahlı qüvvələri (Bundesver) qarşıdakı bir neçə il ərzində baş verə biləcək mümkün münaqişəyə hazırlaşır.
Məlumatda qeyd olunur ki, Soyuq müharibə dövründən qalan təxminən 2000 bunker və sığınacaq otağından yalnız təxminən 580-i işlək vəziyyətdədir, digərləri isə bahalı yenidənqurmaya ehtiyac duyur.
Hazırkı bunkerlər təxminən 480 min nəfəri qəbul edə bilər ki, bu da Almaniya əhalisinin cəmi 0,5%-ni təşkil edir.
