Belarusun Müdafiə Nazirliyi gecə saatlarında paytaxt Minsk üzərində naməlum pilotsuz uçuş aparatının (PUA) aşkarlandığını və zərərsizləşdirildiyini açıqlayıb.
”Xeberaz.info” xəbər verir ki, rəsmi məlumata görə, hava hücumundan müdafiə qüvvələri saat 02:00 radələrində PUA-nın uçuşunu müəyyən edib və dərhal tədbir görülüb.
“PUA saat 02:33-də Minskin Matuseviç küçəsində yerləşən 72 saylı binanın yaxınlığında elektron döyüş vasitələrinin təsiri ilə zərərsizləşdirilib. Hadisə nəticəsində xəsarət alan olmayıb”, – deyə nazirlikdən bildirilib.
Hazırda PUA-nın hansı ölkə və ya qurum tərəfindən buraxıldığı məlum deyil.
Müdafiə Nazirliyi əlavə edib ki, hava məkanının nəzarətdə saxlanması üçün əlavə təhlükəsizlik tədbirləri görülür.
