Rusiya Təhlükəsizlik Şurası sədrinin müavini Dmitri Medvedev ABŞ Prezidenti Donald Trampın son bəyanatına münasibət bildirib.
”Xeberaz.info” xəbər verir ki, Medvedev qeyd edib ki, Trampın verdiyi “dekorativ ultimatum” Rusiyada heç bir ciddi reaksiya doğurmayıb. Onun sözlərinə görə, ABŞ prezidentinin açıqladığı tədbirlər daha çox “aqressiv Avropanı” məyus edib, Rusiya üçün isə heç bir əhəmiyyət daşımır.
“Biz bu cür ritorikalara öyrəşmişik və onları ciddiyə almırıq. Trampın hədəflədiyi auditoriya başqa yerdədir, biz isə öz işimizlə məşğuluq”, – deyə Medvedev bildirib.
Xatırladaq ki, Tramp son açıqlamasında Rusiyaya qarşı əlavə təzyiq alətləri tətbiq ediləcəyini bəyan etmişdi. Bu bəyanat Avropa ölkələri tərəfindən dəstəklənsə də, Kreml düşərgəsində təmkinlə qarşılanıb.
