Mərkəzi Aran Regional Təhsil İdarəsi və Yevlax Şəhər Polis Şöbəsinin birgə təşkilatçılığı ilə “Erkən nikahlara və narkomaniyaya qarşı mübarizə” mövzusunda maarifləndirici görüş keçirilib.
“Xeberaz.info” xəbər verir ki, tədbirdə Mərkəzi Aran Regional Təhsil İdarəsinin müdiri Həmid Qasımov, Yevlax Şəhər Polis Şöbəsinin rəisi Rüstəm Cəfərov, eləcə də idarənin tabeliyində fəaliyyət göstərən ümumi və məktəbəqədər təhsil müəssisələrinin direktorları iştirak ediblər.
Görüş zamanı erkən nikahların və narkomaniyanın qarşısının alınması istiqamətində maarifləndirici müzakirələr aparılıb. Müəllimlərin fikirləri dinlənilib, sualları cavablandırılıb və mövzu ilə bağlı bir sıra təkliflər irəli sürülüb.
