Ukrayna lideri Volodimir Zelenskinin ofisinin keçmiş rəhbəri Andriy Yermak “cəbhəyə gedir”.
“Xeberaz.info” xəbər verir ki, bu barədə “The New York Post” qəzeti Yermaka istinadən yazıb.
Nəşr Yermakın sözlərini sitat gətirir: “Mən cəbhəyə gedirəm və istənilən repressiyaya hazıram”.
Prezident aparatının keçmiş rəhbərinin sözlərinə görə, o, evində korrupsiyaya qarşı mübarizə orqanlarının apardığı axtarışlarla “təhqir edilib”.
Yermak cəbhə xəttinə necə gedəcəyi və ya Ukrayna silahlı qüvvələrinə qoşulub-qoşulmayacağı ilə bağlı təfərrüatları açıqlamayıb.
