Hazırda süni intellekt Azərbaycanda dövlət səviyyəsində prioritet istiqamətlərdən biri kimi müəyyənləşdirilib. Prezident İlham Əliyevin 2025-ci il 19 mart tarixli Sərəncamı ilə təsdiqlənmiş “Azərbaycan Respublikasının Süni İntellekt Strategiyası” bu sahənin inkişafına sistemli və ardıcıl yanaşmanın bariz nümunəsidir. Həmin sənəd süni intellektin təkcə texnoloji deyil, həm də elmi, iqtisadi və sosial müstəvidə strateji əhəmiyyət daşıdığını təsdiqləyir. Bu, dövlətin gələcəyə baxışını, elmi yeniliklərə açıq siyasətini və Azərbaycanı regionun qabaqcıl texnoloji mərkəzlərindən birinə çevirmək məqsədini əks etdirir. Azərbaycan kifayət qədər demək olar ki, şimal, cənub, şərq-qərb dəhlizi qovşağını yaradıb, logistika imkanları açıb. Burada süni intellektin, süni intellekt texnologiyalarının, yəni bu logistika xidmətlərinin daha keyfiyyətlə və çevik aparılmasında müstəsna əhəmiyyəti var. Təhsil sahəsində və idarəetmə məsələlərində süni intellektin tətbiqi vətəndaşların həyat keyfiyyətinin yüksəlməsində mühüm rol oynayır. Süni intellekt texnologiyalarının lokallaşdırılması, milli resurslara əsaslanan modellərin yaradılması, Azərbaycan dilində süni intellekt sistemlərinin formalaşdırılması elmi prioritet kimi qəbul edilməlidir. Elmin iqtisadiyyatla inteqrasiyası, akademik tədqiqatlar real sektora, sənayeyə, biznesə və dövlət idarəçiliyinə birbaşa töhfə verməlidir. Bu, bilik iqtisadiyyatı modelinə keçidin əsas şərtidir. Gənc alimlərin və texnoloqların yetişdirilməsi məsələsi də mühüm əhəmiyyət daşıyır. Süni intellekt erası yeni düşüncə tərzini formalaşdırır, analitik bacarıqlar və multidissiplinar yanaşma tələb edən mövqelər ön plana çıxır. Süni intellektin ən mühüm üstünlüklərindən biri iş proseslərini avtomatlaşdırmaq və daha yüksək məhsuldarlıq əldə etməkdir. Gələcəkdə süni intellektin daha da inkişaf edərək cəmiyyətin müxtəlif problemlərinə həll yolu tapması gözlənilir. Xüsusilə ətraf mühit problemlərinin həllində süni intellektin böyük rolu olacaq. Süni intellektin düzgün istiqamətləndirilməsi cəmiyyət üçün əvəzolunmaz imkanlar yarada bilər.
Zərdab rayonu Yarməmmədbbağı kənd sakini – Umarov Bəhram Cəfər oğlu.
