Moskva və Bakı iki ölkə arasındakı münasibətlərə dair saxtakarlığı minimuma endirmək üçün birgə səylərini əlaqələndirmək niyyətindədir.
”Xeberaz.info” xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.
Diplomat qeyd edib ki, Rusiya Xarici İşlər Nazirliyi Azərbaycanın bəzi media resurslarında guya ölkədə rusdilli məktəblərin bağlanacağına dair yazılar görüb: “Bir müddət sonra dərhal yaranan çoxsaylı sualları nəzərə alaraq, Azərbaycanın Elm və Təhsil Nazirliyi bu məlumatı təkzib etdi. Biz vəziyyəti diqqətlə izləyirik, bu məsələ ilə bağlı Azərbaycan tərəfi ilə daimi əlaqə saxlayırıq”.
O, əlavə edib ki, azərbaycanlı həmkarları bu şayiəni çox vaxtında təkzib ediblər: “Çünki biz təkcə siyasi hadisədən və ya hansısa fəlsəfi hadisədən danışmırıq, bunlar insanların konkret taleləridir. Ona görə də hesab edirəm ki, biz bu cür saxtakarlıq və sızmalardan dəyən zərəri minimuma endirmək üçün, belə demək mümkünsə, həmkarlarımızla öz fəaliyyətimizi koordinasiya etməyə davam edəcəyik”.
