ABŞ administrasiyası hava qüvvələrinin və uzaqmənzilli raketlərin istifadəsini İrana qarşı mümkün hərbi tədbirlərin əsas elementi hesab edir.
Xeberaz.info xəbər verir ki, məlumatı CBS mənbələrə istinadən yayıb. Bildirilir ki, ABŞ prezidenti Donald Trampa İrandakı vəziyyətə mümkün cavab variantları, o cümlədən “kiberməkan əməliyyatları, eləcə də komandanlıq strukturlarını, rabitə sistemlərini və dövlət mediasını pozmağa yönəlmiş psixoloji kampaniyalar” barədə məlumat verilib. Kanalın mənbələri qeyd edir ki, bunlar ya tək, ya da “ənənəvi güclə birlikdə” istifadə edilə bilər.
CBS qeyd edir ki, təyyarələr və uzaqmənzilli raketlər istənilən potensial hərbi cavabın əsas elementləri olaraq qalır. Mənbələrə görə, Pentaqon rəsmiləri “münaqişənin zərbələrdən kənara çıxdığı və rəqəmsal məkanda davamlı əməliyyatları və psixoloji təzyiq kampaniyalarını əhatə etdiyi” ssenariləri nəzərdən keçirirlər.
