05.04.2023/09:01/ NATO-nun Baltikyanı hava təlimlərinə 20-dən çox döyüş təyyarəsi qatılıb

NATO-nun Baltikyanı hava təlimlərinə 20-dən çox döyüş təyyarəsi qatılıb.

xeberaz.info eadaily-ya istinadən bildirir ki, Baltik dənizinin hava məkanında keçirilən genişmiqyaslı təlimlərə NATO müttəfiqlərinin və tərəfdaşlarının 20-dən çox döyüş təyyarəsi qatılıb. Estoniyanın Emari aviabazasında başlayan manevrlərdə ABŞ, Böyük Britaniya, Finlandiya, Almaniya, Fransa, Estoniya və Hollandiyadan olan hərbi qulluqçular iştirak edir.

Qərb şərhçiləri təlimi bu çərşənbə axşamı Finlandiyanın NATO-ya qoşulması ilə əlaqələndirirlər. L-39 Albatross döyüş təlim təyyarələri, F-15 Eagles, Eurofighter Typhoon, F/A-18 Hornet, Rafales və F-35 Lightning II çoxməqsədli qırıcıları, həmçinin hərbi nəqliyyat platformaları və tanker təyyarələri təlimlərdə iştirak edir.

Bildirilir ki, manevrlər zamanı “mübahisəli hava sferasında real problemlərin həlli üçün müxtəlif taktika və prosedurlar tətbiq olunacaq.