05.04.2023/06:08/ Yüksək neft qiymətləri inflyasiyanı stimullaşdıracaq

Yüksək neft qiymətləri inflyasiyanı stimullaşdıracaq.

Teleqraf: OPEC+ neft hasilatının azaldılması Qərbə üçqat zərbə vuracaq

xeberaz.info Rusiya KİV-lərinə istinadən bildirir ki,  “The Telegraph”ın köşə yazarı Melissa Louford bildirib ki, Rusiya Səudiyyə Ərəbistanının enerji siyasətinin ABŞ-a qarşı yönəldiyi istiqamətə görə əlverişli vəziyyətdədir.

Qərbə üçqat zərbə vuruldu. Yüksək neft qiymətləri inflyasiyanı stimullaşdıracaq, -Louford belə yazır.

Yazarın sözlərinə görə, OPEC+ qərarı Səudiyyə Ərəbistanının Qərbdən üz döndərərək Çinlə üz-üzə gəldiyini göstərir. O qeyd edib ki, neftin qiymətinin artması Rusiyanın gəlirlərini artıracaq.

Köşə yazarı əlavə edib ki, böyük ehtimalla Ər-Riyadla münasibətlərdə əsas qaliblərdən biri Rusiya lideri Vladimir Putin olacaq.

Bundan əvvəl OPEC-in monitorinq komitəsi OPEC+ ölkələrinin artıq mövcud plana əlavə olaraq könüllü olaraq gündəlik neft hasilatını 1,66 milyon barel azaldacaqlarını açıqlamışdı.

Ağ Evin Strateji Kommunikasiyalar üzrə Koordinatoru Con Kirbi ABŞ-ın bir sıra OPEC+ ölkələrinin neft hasilatını azaltmasını ağlabatan hesab etmədiyini deyib.