18.02.2023/10:40/ Fransanın su elektrik stansiyaları quraqlıq səbəbindən çətin vəziyyətdədir

Fransanın su elektrik stansiyaları quraqlıq səbəbindən çətin vəziyyətdədir.

xeberaz.info-nun məlumatına görə Fransada görünməmiş qış quraqlığı yaşanır ki, bu da problemləri uzada bilər və Fransanın böyük hidroelektrik operatorları Electricite de France (EDF) və Engie üçün baş ağrısı yarada bilər. Bloomberg bu barədə məlumat verib.

Yanvarın 21-dən Fransada bir aya yaxındır ki, yağış yağmayıb. Milli meteorologiya xidməti Meteo France bildirib ki, bu, qış üçün rekorddur. Agentlik bildirir ki, gələn həftə bəzi bölgələrdə yağış gözlənilir, lakin Fransanın fevralı 50% yağıntı çatışmazlığı ilə başa vuracağı bildirilir.

Yağışın olmaması ilə yanaşı, Pireney və Alp dağlarında qar örtüyü də mövsüm üçün orta səviyyədən açıq-aydın aşağıdır. Meteorologiya xidməti  növbəti üç ayda yağıntıların həlledici olacağını qeyd edib.

Fransanın su elektrik istehsalı keçən il 20% azalaraq 1976-cı ildən bəri ən aşağı səviyyəyə düşüb. 2022-ci il ölkə üçün ən isti və ən quraq il olub.

Avropanın bir sıra hissələrinə təsir edən quraqlıq, Rusiya qazının tədarükünün azalması və EDF (Fransada 19 AES-in operatoru) nüvə reaktorlarını təmir etməkdə çətinlik çəkdiyi bir şəraitdə qitədə başlayan enerji böhranına səbəb olub.