Millət vəkili, Milli Məclisin Ailə,qadın,uşaq məsələləri komitəsinin sədr müavini, Azərbaycan-Meksika Parlamentlərarası İşçi qrupunun rəhbəri Jalə Əliyeva Meksikanın Azərbaycandakı Səfiri xanım Viktoroya Romeronun dəvəti ilə azərbaycanlı rəssam Aydın Sadıqovun Meksika kukla sənətinə həsr edilən əsərlərindən ibarət sərginin təqdimatında iştirak edib.
”Xeberaz.info” xəbər verir ki, səfirliyin və Azərbaycan Dövlət Kukla Teatrının təşkilatçılığı ilə keşirilən sərginin açılışında çıxış edən millət vəkili, iki ölkə arasında mövcud olan dostluq və müsbət əməkdaşlıq münasibətlərindən danışıb, münasibətlərin inkişafında mədəniyyətlə bağlı tədbirlərin böyük rol oynadığını vurğulayıb, təşkilatçılara təşəkkürünü bildirib.
