CƏNAB PREZİDENT İLHAM ƏLİYEV – BEYNƏLXALQ SÜLHÜN CARÇISI!
Azərbaycan Respublikasının Prezidenti cənab İlham Əliyevin Birləşmiş Ərəb Əmirliklərinin ali mükafatlarından biri olan “Şeyx Zayed” mükafatına layiq görülməsi Azərbaycan–BƏƏ münasibətlərinin inkişafında mühüm və tarixi hadisə kimi qiymətləndirilir. Bu yüksək mükafat cənab Prezident İlham Əliyevin beynəlxalq miqyasda nüfuzunun, siyasi uzaqgörənliyinin, qlobal əməkdaşlığa verdiyi töhfələrin və dövlətlərarası dostluq əlaqələrinin möhkəmləndirilməsində oynadığı mühüm rolun bariz göstəricisidir. “Şeyx Zayed” mükafatı Birləşmiş Ərəb Əmirliklərinin qurucusu və ilk Prezidenti Şeyx Zayed bin Sultan Al Nəhyənin xatirəsinə təsis edilmişdir. Bu mükafat yalnız dövlətlərarası münasibətlərin inkişafında xüsusi xidmətləri olan, sülhə, sabitliyə, humanizmə və beynəlxalq əməkdaşlığa töhfə verən görkəmli dövlət və hökumət başçılarına təqdim olunur. Mükafatın verilməsi həm siyasi, həm də mənəvi baxımdan yüksək dəyər daşıyır. Cənab Prezident İlham Əliyev uzun illərdir ki, beynəlxalq arenada etibarlı tərəfdaş, prinsipial və ardıcıl lider kimi tanınır. Onun rəhbərliyi ilə Azərbaycan müstəqil xarici siyasət yürüdərək regional və qlobal səviyyədə mühüm aktora çevrilmişdir. Cənab Prezident İlham Əliyevin təşəbbüsləri nəticəsində Azərbaycan enerji təhlükəsizliyi, nəqliyyat-logistika, multikulturalizm və beynəlxalq dialoq sahələrində mühüm layihələrin müəllifi və iştirakçısı olmuşdur.
Cənab Prezident İlham Əliyevin “Şeyx Zayed” mükafatına layiq görülməsi təkcə bir liderə verilən fərdi qiymət deyil, eyni zamanda, Azərbaycanın beynəlxalq mövqeyinin möhkəmlənməsinin, cənab Prezidentin apardığı balanslı və müstəqil xarici siyasətin, Azərbaycan xalqına və dövlətinə göstərilən yüksək ehtiramın göstəricisidir. Bu mükafat Azərbaycan–BƏƏ münasibətlərinin yeni mərhələyə qədəm qoyduğunu və gələcəkdə daha geniş əməkdaşlıq perspektivlərinin mövcud olduğunu təsdiqləyir. Müasir beynəlxalq münasibətlər sistemində dövlət başçılarının fəaliyyəti yalnız ölkə daxilindəki uğurlarla deyil, həm də regional və qlobal sülhə, əməkdaşlığa verdiyi töhfələrlə ölçülür. Bu baxımdan Azərbaycan Respublikasının Prezidenti cənab İlham Əliyevin Birləşmiş Ərəb Əmirliklərinin ali təltiflərindən biri olan “Şeyx Zayed” mükafatına layiq görülməsi tamamilə məntiqi və tarixi hadisədir. Cənab Prezident İlham Əliyev XXI əsrin mürəkkəb geosiyasi şəraitində Azərbaycanı sabitlik adasına çevirən lider kimi tanınır. Onun rəhbərliyi ilə ölkəmiz daxili siyasi sabitliyi qoruyaraq iqtisadi inkişaf, sosial rifah və milli maraqlara əsaslanan xarici siyasət kursu həyata keçirmişdir. Bu siyasət beynəlxalq ictimaiyyət tərəfindən yüksək qiymətləndirilir və “Şeyx Zayed” mükafatı bu etimadın açıq ifadəsidir. Cənab Prezident İlham Əliyevin fəaliyyəti də məhz bu dəyərlərlə üst-üstə düşür. Azərbaycanda multikulturalizm dövlət siyasəti səviyyəsinə qaldırılmış, müxtəlif din və millətlərin nümayəndələri əsrlər boyu sülh və qarşılıqlı hörmət şəraitində yaşamışdır. Bu model beynəlxalq səviyyədə də nümunə kimi qəbul edilir. Bu hadisə cənab Prezident İlham Əliyevin beynəlxalq aləmdə qazandığı yüksək etimadın, liderlik keyfiyyətlərinin və sülhə, əməkdaşlığa xidmət edən siyasətinin rəsmi təsdiqidir. Eyni zamanda, bu mükafat Azərbaycan xalqı üçün də qürur mənbəyidir və ölkəmizin dünya miqyasında artan nüfuzunun daha bir parlaq nümunəsidir.
Yeni Azərbaycan Partiyası
Saatlı rayon təşkilatının sədr müavini
Sevinc Gülüşova
