xeberaz.info
Ukrayna Avropada dəstəyini itirmək riski ilə üzləşir.
xeberaz.info Rusiya KİV-lərinə istinadən bildirir ki, yerli istehsalçıların Ukrayna taxılının axınından narazılığı səbəbindən Kiyev Avropada dəstəyini itirmək riski ilə üzləşib. Bu barədə Bloomberg yazır.
Nəşr qeyd edir ki, Polşa və digər qonşu dövlətlər ötən il ixraca qadağa qoyulandan sonra Ukraynadan dünya bazarlarına taxıl ixracına kömək etmək barədə razılığa gəliblər. Bu tədarüklərdən bəziləri indi Şərqi Avropada yığılır və yerli əhalini dolanışıq vasitələrindən məhrum etməklə hədələyir, – müəlliflər belə yazır.
Nəşrin məlumatına görə, yerli istehsalçılar münaqişənin bitməsindən sonra qiymətlərin bahalaşacağını gözləyərək öz məhsullarını saxlayıblar. Lakin bunun əvəzinə qiymətlər aşağı düşüb və Polşa, Rumıniya, Slovakiya, Macarıstan və Bolqarıstandakı fermerlər indi növbəti məhsula qədər ehtiyatlarını satmaqda çətinlik çəkirlər. Hazırda Şərqi Avropa fermerləri arasında qəzəb və narazılıq yayılır ki, bunun da siyasi nəticələri ola bilər. Bu, xüsusilə bu il seçkiləri olan Polşa və Slovakiyaya aiddir.
Polşa, Slovakiya, Macarıstan, Rumıniya və Bolqarıstanın hakimiyyət orqanları artıq problemə cavab verməyə başlayıb. Xüsusilə, onlar Avropa İttifaqını topladıqları Ukrayna taxılını geri almağa çağırıblar. Polşanın baş naziri Mateusz Morawiecki də ölkəyə taxıl axınının məhdudlaşdırılmasını əmr edib.