xeberaz.info
İsveç Türkiyənin NATO-ya üzvlük danışıqlarını bərpa etmək qərarını alqışlayır.
xeberaz.info-nun məlumatına görə İsveç Türkiyənin krallığın NATO-ya üzvlük ərizəsinin ratifikasiyası üzrə danışıqları davam etdirmək istəyini alqışlayır. Bu barədə bu gün, fevralın 20-də Aİ xarici işlər nazirlərinin görüşündən əvvəl İsveçin xarici işlər naziri Tobias Billström bildirib.
Billström qeyd edib ki, həmkarım, Türkiyənin xarici işlər naziri Mövlud Çavuşoğlu bildirib ki, Türkiyə İsveçlə danışıqları bərpa etməyə hazırdır. İsveç təbii ki, buna hazırdır. Türkiyənin bu qərarını alqışlayırıq.
Çavuşoğlu Ankarada ABŞ dövlət katibi Entoni Blinkenlə danışıqlardan sonra keçirdiyi mətbuat konfransında Türkiyənin bu mövzuda təmasları davam etdirməyə hazır olduğunu bildirib.
2022-ci ilin mayında Finlandiya və İsveç Şimali Atlantika Alyansına qoşulmaq üçün müraciət edib, lakin Ankara kürd təşkilatlarını terrorçu elan etmələrini və 2016-cı ildə Türkiyədə terrorizmdə və ya dövlət çevrilişinə cəhddə iştirakda ittiham olunan şəxslərin ekstradisiyasını tələb edərək, onların giriş prosesini əngəlləyib. Türkiyə ilə İsveç arasında münasibətlər yanvarın 21-də Türkiyənin Stokholmdakı səfirliyində Quranın yandırılmasından sonra kəskinləşib.
Türkiyə prezidenti Rəcəb Tayyib Ərdoğan bildirib ki, Stokholmdakı anti-Türkiyə aksiyalarından sonra İsveç Ankaranın NATO-ya üzv olmaq ərizəsinə dəstək verməsini gözləməməlidir. Oxşar bəyanatlarla Türkiyə Xarici İşlər və Müdafiə nazirliklərinin rəhbərləri də çıxış ediblər. Hazırda İsveç ərizəsinin ratifikasiyası ilə bağlı proses dayandırılıb.