xeberaz.info
Polşa və ABŞ Amerikanın hərbi mövcudluğunu artırmaq niyyətindədir.
xeberaz.info-nun məlumatına görə ABŞ və Polşa respublikada Amerika hərbi varlığının artırılması imkanlarını müzakirə edirlər. Bunu bazar günü yayımlanan Amerikanın CBS teleşirkətinə müsahibəsində Polşanın baş naziri Mateuş Moravetski deyib.
Moravecki bildirib ki, biz prezident Co Baydenin administrasiyası ilə onların mövcudluğunun daha daimi və həmçinin artırılması barədə müzakirələr aparırıq. Ancaq mən Patriot sistemləri, eləcə də digər çox inkişaf etmiş sistemlər və sursatların göndərilməsinə görə də çox minnətdaram.
Onun sözlərinə görə, bu tədarüklər ölkəyə əlavə ABŞ ordusunun yerləşdirilməsi ilə birlikdə gedə bilər.
ABŞ prezidenti fevralın 20-dən 22-dək Polşaya səfər edəcək, polşalı həmkarı Anjey Duda və “Buxarest doqquzluğu” dövlətlərinin (Bolqarıstan, Macarıstan, Latviya, Litva, Polşa, Rumıniya, Slovakiya, Çexiya və Estoniya) liderləri ilə görüşəcək.
Polşanın hakimiyyət orqanları Baydenin Varşavaya gözlənilən səfəri zamanı alyansın şərq cinahında NATO qoşunlarının genişləndirilmiş daimi mövcudluğu ilə bağlı qərarların elan ediləcəyinə ümid edir.
Keçən iyun ayında Madriddə keçirilən NATO sammiti çərçivəsində çıxış edən Bayden, Amerikanın Avropadakı hərbi mövcudluğunun daha da artırılmasını elan edib. Göstərilən planlara əsasən, ABŞ Polşada 5-ci Ordu Korpusunun qərargahını, ordu qarnizonunun qərargahını və səhra logistika batalyonunu daimi olaraq yerləşdirəcək.
Rumıniyada ABŞ rotasiya briqadası yerləşdirir ki, bu da Vaşinqtonun NATO-nun şərq cinahında mövqeyini gücləndirməlidir. Baltikyanı ölkələrdə Birləşmiş Ştatlar rotasiya mövcudluöunu inkişaf etdirir. Müvafiq dəyişikliklər zirehli qüvvələrin, aviasiya, hava hücumundan müdafiə qüvvələri və xüsusi təyinatlıların yerləşdirilməsini nəzərdə tutur.