xeberaz.info
Dnestryanı ərazi demilitarizasiya edilməlidir.
xeberaz.info-nun məlumatına görə Moldovanın yeni baş naziri Dorin Reçan bildirib ki, Dnestryanı ərazi demilitarizasiya edilməli, rus qoşunları isə oranı tərk etməlidir, bundan sonra regionun sakinlərinə iqtisadi və sosial cəhətdən inteqrasiya etmək lazım gələcək.
Dorin Recean bildirib ki, biz bir əsas şeyə – demilitarizasiyaya nail olmalıyıq. Qalan hər şey bundan sonra gəlir və orada olan vətəndaşlarımızın iqtisadi və sosial inteqrasiyası çox vacibdir, lakin ilk növbədə demilitarizasiyadır. Bu məsələ çox şeydən asılıdır, amma nə vaxtsa bu həll olunacaq.
Recean qeyd edib ki, Moldova konstitusiya neytrallığına riayət edir, lakin bu, Rusiya ordusunun Dnestryanı bölgədə, Moldovanın beynəlxalq səviyyədə tanınmış ərazisində olmasına mane olmur.
Moldovanın baş naziri Natalya Qavrilitsa fevralın 10-da istefa verdiyini açıqlayıb. Onunla birlikdə bütün hökumət avtomatik olaraq istefa verib. Ölkə prezidenti Maia Sandu təhlükəsizlik və milli müdafiə sahəsində müşaviri, keçmiş daxili işlər naziri Reçanı baş nazirliyə namizəd təyin edib.
Moldovanın baş naziri vəzifəsinə namizəd olaraq Daxili Işlər Nazirliyinin sabiq rəhbəri Dorin Reçan respublikanın yeni hökumətinin proqramını təqdim edərək, Dnestryanı ərazini silahsızlaşdırmaq və Rusiya hərbçilərinin tanınmamış Dnestryanı Moldova Respublikası ərazisindən çıxarılmasına nail olmaq niyyətində olduğunu bildirib.
2018-ci ilin iyununda BMT Baş Assambleyası Rusiyanı qoşunlarını Dnestryanıdan çıxarmağa çağırıb, qətnaməni 64 dövlət dəstəkləyib, 14-ü əleyhinə çıxıb, daha 83 ölkə bitərəf qalıb. Prezident Sandu dəfələrlə Dnestryanıdakı sursat anbarlarını mühafizə edən rus qoşunlarını geri çəkməyə çağırıb.
Dnestryanıda, SSRİ-nin dağılmasından sonra Rusiyanın yurisdiksiyasına keçmiş 14-cü birləşmiş ordunun varisi olan Rusiya qoşunlarının əməliyyat qrupu var. Onun əsas vəzifəsi sülhməramlı missiya və sursat anbarlarının mühafizəsidir. Əhalisinin 60%-ni ruslar və ukraynalılar təşkil edən Dnestryanı bölgə hələ SSRİ-nin dağılmasından əvvəl Moldovanın millətçilik dalğasında Rumıniyaya qoşulacağından ehtiyat edərək Moldovadan ayrılmaq istəyirdi. 1992-ci ildə Moldova hakimiyyətinin problemi güc yolu ilə həll etmək uğursuz cəhdindən sonra Dnestryanı faktiki olaraq Kişinyovun nəzarətində olmayan əraziyə çevrildi.