xeberaz.info
“Barselona” türkiyəli Arda Gülər ilə müqavilə imzalamaq istəyir.
xeberaz.info xəbər verir ki, Kataloniya “Barselona”sı İstanbul “Fənərbağça”sının futbolçusu, “türk Messi”si kimi tanınan Arda Gülərlə müqavilə imzalamaq istəyir. Bu barədə Sport.es məlumat yayıb.
“Fənərbağça”nın oyunçunu almaq niyyətini klub prezidenti Joan Laporta da təsdiqləyib. “O, gənc oyunçudur və düzdür, skautlarımız onu çoxdan izləyirlər. Avropanın bütün top klubları onu transfer etmək istəyir və biz “Fənərbaxça” ilə danışıqlar aparırıq”, – deyə funksioner bildirib.
Laporta qeyd edib ki, “Barselona” avrokuboklarda uğur qazanmaq üçün heyəti gücləndirməlidir. “Mən La Liqanın dünyanın ən yaxşı oyunçularına sahib olmasını sevirəm və biz əvvəlcə oraya gəlib bir oyunçu ilə müqavilə imzalamalıyıq.
Gülər “Barselona”nın keçmiş hücumçusu Lionel Messi ilə oxşar oyun tərzinə görə “Türk Messisi” adlandırılır. 18 yaşlı yarımmüdafiəçi ötən mövsüm “Fənərbaxça”nın bütün turnirlərində 35 oyuna çıxıb, 6 qol vurub, 6 məhsuldar ötürmə edib. Portal Transfermarkt onun dəyərini 15 milyon avro qiymətləndirir.