Kiyev lideri Volodimir Zelenski ABŞ prezidenti Donald Trampın tənqidlərini açıq şəkildə rədd edib.
“Xeberaz.info” xəbər verir ki, o, bu barədə “Telegram”da yazıb.
Zelenski bildirib ki, Kiyev diplomatik həll yoluna maneə yaratmır.
“Ukrayna heç vaxt sülhə maneə olmayıb və olmayacaq da”, – o, ifadə edib.
Zelenskinin sözlərinə görə, danışıqlarda irəliləyişin olmamasının əsl səbəbi Rusiyanın mövqeyidir. Kiyev lideri iddia edir ki, razılaşmalara ehtiyacı olmayan şəxs Moskvadır.
Daha əvvəl ABŞ prezidenti Rusiya prezidenti Vladimir Putinin deyil, Zelenskinin sülh sazişinin bağlanmasına mane olduğunu bildirmişdi.
