ABŞ-ın keçmiş prezidenti Donald Trump Qəzzanın idarə olunması ilə bağlı yeni mexanizmin yaradıldığını açıqlayıb.
Xeberaz.info xəbər verir ki, Tramp Truth Social sosial şəbəkə hesabında etdiyi paylaşımda Qəzza üçün “Sülh Şurası”nın təsis edildiyini elan edib.
Tramp bildirib ki, yeni yaradılan bu idarəetmə qurumu bölgədə sabitliyin və sülhün təmin olunmasına yönələcək. Onun sözlərinə görə, “Sülh Şurası”nın tərkibi və üzvləri yaxın vaxtlarda ictimaiyyətə açıqlanacaq.
Açıqlamada Şuranın konkret səlahiyyətləri və fəaliyyət mexanizmi ilə bağlı detallara yer verilməsə də, bu addım Qəzzanın gələcək idarəetmə modeli ilə bağlı beynəlxalq müzakirələri yenidən gündəmə gətirib.
