“Rusiya prezidenti Vladimir Putin ukraynalı həmkarı Volodimir Zelenskini təslim olmaq üçün deyil, danışıqlar üçün Moskvaya dəvət edib”.
“Xeberaz.info” xəbər verir ki, bunu Rusiya dövlət başçısının mətbuat katibi Dmitri Peskov Şərq İqtisadi Forumunda (EEF) deyib.
Xatırladaq ki, sentyabrın 3-də Rusiya prezidenti V.Putin Çinə dörd günlük səfərindən sonra keçirdiyi mətbuat konfransında Zelenski ilə görüş ehtimalını heç vaxt istisna etmədiyini deyib. Rusiya lideri onu “Ukrayna administrasiyasının rəhbəri” adlandırıb və mümkün görüş üçün Moskvaya dəvət edib.
