HƏMAS hərəkatının hərbi qanadı olan İzzəddin əl-Qəssam Briqadası sentyabrın 8-də Qüdsdə baş vermiş terror aktına görə məsuliyyəti öz üzərinə götürüb.
Xeberaz.info xəbər verir ki, bununla bağlı hərəkatın Teleqram kanalında rəsmi məlumat paylaşılıb.
Bildirilib ki, hücum edən iki silahlı şəxs avtobusa daxil olaraq sərnişinlərə atəş açıb. Hər iki terrorçu hadisə yerində təhlükəsizlik qüvvələri tərəfindən zərərsizləşdirilib.
Xatırladaq ki, hadisə nəticəsində azı 6 nəfər həlak olub, 20 nəfər isə yaralanıb.
