xeberaz.info
«Avropada qan axır», Rusiya isə yaxşı pul qazanır. AI-nin tətbiq etdiyi enerji sanksiyalarını çoxdan tənqid edən Viktor Orban Avropa liderlərinin Praqada keçirdiyi görüşdə Avropa Komissiyasının strategiyasını dəyişmək barəsində çağırışlarını təkrarlamaq üçün fürsətdən istifadə edib.
Viktor Orbanın sözlərinə görə, Avropa Birliyinin Rusiyaya tətbiq etdiyi sanksiyalar gözləntiləri doğrultmadı.
Cümə axşamı Avropa Ictimaiyyətinin Praqada keçirdiyi görüşdə çıxış edən Macarıstan lideri Ermənistan və Azərbaycanın nümayəndələri, Türkiyə Prezidenti Rəcəb Tayyib Ərdoğan və Böyük Britaniyanın baş naziri Liz Trassın da iştirak etdiyi avropalı həmkarlarına xatırladıb ki, sanksiyalar yeddi aydan çox əvvəl baş verən münaqişəyə son qoymayıb.
Uzun müddət Rusiyaya qarşı tətbiq olunan sanksiyaları tənqid edən Orban Avropa Komissiyası tərəfindən istiqamətin dəyişdirilməsinə çağırıb. «Aydındır ki, sanksiya siyasəti dəyişdirilməlidir və bu növbəti görüşlər üçün vacib məsələdir», – deyə o əlavə edib. Lakin, çox güman ki, Orbanın sözləri eşitilməz qalacaq.