xeberaz.info
Göygöl Rayon İcra Hakimiyyətinin, Göygöl Gənclər Evi sosial xidmət müəssisəsinin və Göygöl Rayon Uşaq və Ailələrə Dəstək Mərkəzinin birgə təşkilatçılığı ilə “Erkən nikahlara yox deyək” mövzusunda maarifləndirici tədbir keçirilib.
Göygöl Gənclər Evi sosial xidmət müəssisəsinin direktoru İsmayılzadə Şəhriyar tədbiri giriş sözü ilə açaraq erkən nikahların fəsadları barədə və tədbir iştirakçılarına geniş məlumat verib.
Göygöl Rayon İcra Hakimiyyəti başçısı Aparatı yanında fəaliyyət göstərən Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Vəfa İbrahimova ölkə əhalisinin müəyyən qisminin dini kəbinə üz tutmaları və bunun erkən nikahlara yol açdığını bildirib. Azərbaycanın dünyəvi dövlət olduğunu və bütün məsələlərin həllinin qanunvericilikdə tapdığını və bunun üçün dövlətin nikahı olmadan dini kəbinin kəsilməsinin yolverilməz olduğunu xüsusilə qeyd edib.
Göygöl Rayon Uşaq və Ailələrə Dəstək mərkəzinin direktoru Rəbiyə Ablayeva qız uşaqlarına bəzi valideynlərin ailədə ağır yük kimi baxması, təhsildən yayındırılaraq erkən nikaha sövq edilməsi həmin uşaqların psixoloji travma almaları və bunun gələcəkdə doğuracağı pis fəsadlarlardan danışıb.
Tədbirin sonunda Azərbaycan Respublikasının Ailə Qadın və Uşaq Problemləri üzrə Dövlət Komitəsi tərəfindən mövzuya aid hazırlanmış bukletlər tədbir iştirakçılarına paylanılıb.