13.12.2022/11:33/ Ərdoğan Türkiyədə böyük neft yatağının kəşf edildiyini açıqlayıb

Türkiyənin cənub-şərqində 150 ​​milyon barel ehtiyata malik böyük neft yatağı aşkar edilib. “Anadolu” agentliyi xəbər verir ki, bu barədə prezident Rəcəb Tayyib Ərdoğan məlumat verib.

Yataq Şirnak vilayətinin Qabar dağı rayonunda aşkar edilib. “Bu, 2022-ci ildə quruda kəşf edilən on ən böyük yataqdan biridir”, – deyə Ərdoğan bildirib. Onun sözlərinə görə, ehtiyatların dəyəri təxminən 12 milyard dollar qiymətləndirilir.

Dekabrın 6-da “Sabah” qəzeti yazıb ki, Ərdoğan tezliklə Şirnakda neft yataqlarının aşkarlandığını açıqlayacaq. Qabar dağı yaxınlığındakı ərazidə xammal istehsalının mümkün həcmi o zaman sutkada 5000 barel olduğu, onu 20000 barrelə çatdırmaq imkanı ilə qiymətləndirilirdi.

İyun ayında Türkiyə lideri Adana şəhərində iki quyuda yüksək keyfiyyətli neft tapıldığını bildirmişdi. O qeyd edib ki, onun ehtiyatları bir milyard dollar həcmində qiymətləndirilir.