xeberaz.info
TASS xəbər verir ki, Aİ xarici işlər nazirliklərinin rəhbərləri Brüsseldə keçirilən görüşdə Rusiyaya qarşı doqquzuncu sanksiyalar paketi ilə bağlı razılığa gələ bilməyiblər. Sənəd Aİ-nin daimi nümayəndələri tərəfindən baxılmaq üçün geri qaytarılıb. Görüşdən əvvəl Avropa diplomatiyasının rəhbəri Josep Borrell bildirib ki, nazirlər arasında “müxtəlif fikirlər” var.
Agentlik diqqəti Aİ-nin Daimi Nümayəndələr Komitəsinin iclasının dərc olunmuş gündəliyinə cəlb edib. Sənəddə deyilir ki, yeni sanksiyalarla bağlı məsələ Moskva vaxtı ilə saat 20:00-a təyin edilmiş COREPER (Daimi Nümayəndələr Komitəsi) iclasında, yəni nazirlərin görüşü başa çatdıqdan sonra müzakirə olunacaq (bu barədə yekun mətbuat konfransı bu gün Moskva vaxtı ilə 16:00-a planlaşdırılır.
Doqquzuncu paket “qara siyahı”nın genişləndirilməsini nəzərdə tutur – ona Rusiya hərbi-sənaye kompleksi ilə bağlı olan 169 şirkət və fiziki şəxs daxil ola bilər. Suddeutsche Zeitung-un mənbələrinə görə, fikir ayrılığı getdikcə daha çox ölkənin üstünlük istəməsi ilə bağlıdır. Belə ki, Belçika mədən sənayesində məhdudiyyətlərin yumşaldılmasının tərəfdarı olub, Macarıstan isə qaz sanksiyalarını artırmaq istəmir.