30.12.2023/10:04/ 2024-cü ildən NATO-nun Çevik Reaksiya Qüvvələrinə Böyük Britaniya rəhbərlik edəcək

2024-cü ildən NATO-nun Çevik Reaksiya Qüvvələrinə Böyük Britaniya rəhbərlik edəcək.

xeberaz.info xarici KIV-lərə istinadən xəbər verir ki, Böyük Britaniya 2024-cü ildə Polşanın Şeçin şəhərində yerləşən NATO-nun Yüksək Hazırlıq Birgə İşçi Qrupuna rəhbərlik edəcək.

Qrupun özəyi Böyük Britaniyanın təxminən altı min əsgərdən ibarət 7-ci Yüngül Mexanikləşdirilmiş Briqadası olacaq. NATO üzvü olan ölkələr qrupa rotasiya əsasında rəhbərlik edirlər. 2023-cü ildə qrupa Almaniya rəhbərlik edirdi. Böyük Britaniya artıq 2017-ci ildə qrupun zirvəsində olub.

Bu əlaqə 2014-cü ildə Donbassda müharibənin başlamasından sonra yaradılıb. Onun yaradılmasında məqsəd NATO-nun Şərqi Avropa cinahını gücləndirmək və təhdidlərə cavab səviyyəsini artırmaqdır. Briqada 48 saat ərzində döyüşə çıxmağa qadirdir.