xeberaz.info
06.11.2023/15:13/ Türkiyənin Xarici İşlər naziri Fidan səfərdə olan amerikalı həmkarı Blinkenlə görüşüb.
xeberaz.info xəbər verir ki, Yaxın Şərq turnesi çərçivəsində dünən axşam saatlarında Türkiyəyə gələn ABŞ-ın Dövlət katibi Antoni Blinken xarici işlər naziri Hakan Fidanla görüşüb. İki nazirin görüşü 2,5 saatdan çox davam edib.
Fidan-Blinken görüşünün əsas gündəm bəndi İsrail-Fələstin xəttindəki münaqişələr olub.
ABŞ dövlət katibi Blinken Türkiyəyə gəlməzdən əvvəl Yaxın Şərq turnesi çərçivəsində ilk olaraq İsrailin paytaxtı Təl-Əvivə səfər edib. Blinken daha sonra İsrailin Qəzzaya olan hücumlarla bağlı İordaniyanın paytaxtı Əmmanda İordaniya, Misir, Səudiyyə Ərəbistanı, Qətər, Birləşmiş Ərəb Əmirliklərinin (BƏƏ) xarici işlər nazirləri ilə görüş keçirib.
ABŞ dövlət katibi Blinken daha sonra İordan çayının qərb sahilində Fələstin prezidenti Mahmud Abbasla görüşüb və orada “sürpriz” səfər edib.
İordan çayının qərb sahilindən sonra Cənubi Kipr Rum İdarəsinə (GCASC) gedərək, Cənubi Kipr Rum Administrasiyasının lideri Nikos Hristodulidis ilə görüşən Blinken, oradan İraqın paytaxtı Bağdada gedərək, İraqın baş naziri Məhəmməd Şia əl-Sudani ilə Qəzzadakı məsələni müzakirə edib
Blinkenin Ankaradan sonra Tokio, Seul və Yeni Dehliyə səfəri gözlənilir.