02.11.2023/09:27/ Qəzzadakı qaçqın düşərgəsinə zərbələr müharibə cinayəti sayıla bilər

Qəzzadakı qaçqın düşərgəsinə zərbələr müharibə cinayəti sayıla bilər.

xeberaz.info xəbər verir ki, İsrailin Qəzzadakı Cebaliya qaçqın düşərgəsinə endirdiyi zərbələr qeyri-mütənasib hesab oluna bildiyi üçün müharibə cinayəti sayıla bilər. Bu barədə çərşənbə günü, noyabrın 1-də BMT-nin İnsan Hüquqları üzrə Ali Komissarlığının (OHCHR) İdarəsi məlumat yayıb.

İsrailin Cəbaliya qaçqın düşərgəsinə endirdiyi hava hücumlarından sonra mülki əhalinin çoxluğunu və dağıntıların miqyasını nəzərə alsaq, bunların müharibə cinayətləri sayıla biləcək qeyri-mütənasib hücumlar olmasından ciddi narahatlığımız var, – OHCHR bildirib.

Çərşənbə axşamı Qəzza zolağının Daxili İşlər Nazirliyi bildirib ki, İsrailin Qəzzadakı qaçqın düşərgəsinə endirdiyi zərbələr nəticəsində 400-dən çox adam ölüb və yaralanıb. Departamentin məlumatına görə, anklavın şimalında yerləşən Cebaliya qaçqın düşərgəsi bombalanıb.

İsrail Hərbi Hava Qüvvələri Cebaliya qaçqın düşərgəsinə silsilə hücumlar həyata keçirib.