xeberaz.info
Almaniyanın “Gascade” boru kəməri operatoru yenidən qazlaşdırılmış mayeləşdirilmiş təbii qaz (LNG) mənbəyini paylayıcı sistemlə birləşdirən ölkədə ilk boru kəmərini tamamlayıb. Bu barədə şirkətin rəhbəri Kristof fon dem Buşenin bəyanatına istinadən Reuters xəbər verir.
Qaz kəmərinin dekabrda istifadəyə verilməsi nəzərdə tutulur. Fon dem Boucherin sözlərinə görə, tamamlanan layihə şirkətin hökumətin səylərinə dəstəyini və cəmiyyətin tədarük mənbələrini diversifikasiya etmək istəyini göstərir.
Daha əvvəl məlumat verilmişdi ki, ölkənin şimalındakı Vilhelmshaven şəhərində mayeləşdirilmiş təbii qazla (LNG) gəmilərin qəbulu üçün ölkədə ilk mobil terminalın tikintisi başa çatıb. O, 2023-cü ilin yanvarından qaz daşıyıcılarının qəbuluna başlaya biləcək.