Daşkəsəndə “Heydər Əliyevin fəaliyyəti müasir gəncliyin gözü ilə” mövzusunda oxucu konfransı keçirilib.
xeberaz.info Daşkəsən Rayon İcra hakimiyyətinə istinadən xəbər verir ki, Heydər Əliyev İli” çərçivəsində təsdiq olunmuş Tədbirlər Planına əsasən “Heydər Əliyevin fəaliyyəti müasir gəncliyin gözü ilə” mövzusunda oxucu konfransı təşkil olunub.
Daşkəsən rayon ictimaiyyət nümayəndələrinin iştirak etdiyi konfransda Ulu Öndər Heydər Əliyevin və şəhidlərimizin əziz xatirəsi anılıb.
Ümummilli Lider Heydər Əliyevin gənclər siyasətinin müxtəlif istiqamətlərindən bəhs edən məruzələr ətrafında müzakirələr aparılıb.
Tədbirin sonunda rayon məktəbliləri ədəbi-bədii kompozisiya ilə çıxış ediblər.