21.06.2023/04:57/ Qərb dövlətləri Çini hərbi əməliyyatları dayandırmaq üçün Moskvaya siyasi təsirindən istifadə etməyə çağırır

Qərb dövlətləri Çini hərbi əməliyyatları dayandırmaq üçün Moskvaya siyasi təsirindən istifadə etməyə çağırır.

xeberaz.info xəbər verir ki, Avropa İttifaqı liderlərinin iyunun 29-30-da Brüsseldə keçiriləcək sammitində Çin və onun Ukrayna münaqişəsindəki roluna toxunulacaq, Reuters xəbər verir. Brüsseldəki mənbə agentliyə bildirib ki, sammitdə Çin Aİ ilə balansı bərpa etməyə çağrılacaq.

Avropa liderləri Çinin Rusiya ilə Ukrayna arasındakı münaqişəyə təsiri məsələsini müzakirə etmək niyyətindədirlər. Qərb dövlətləri Çini hərbi əməliyyatları dayandırmaq üçün Moskvaya siyasi təsirindən istifadə etməyə çağırır.

Çin əvvəlcə silahlı münaqişənin başlanğıcında neytral mövqe tutdu, lakin 2023-cü ilin fevralında sülh planını təqdim etdi. Buraya toqquşma xəttinin dondurulması və Rusiya ilə Ukrayna arasında danışıqların bərpası daxildir. Çin rusiyalı mütəxəssislərin Zaporojye AES-dən çıxarılmasında israr edir və Ukraynanın ərazi bütövlüyünə hörmət etməyə çağırır. Eyni zamanda, plan Rusiyaya qarşı sanksiyaların ləğvini nəzərdə tutur.

Çinin təklifi ABŞ, Almaniya, İngiltərə və digər ölkələrin tənqidinə səbəb olub. Ukrayna prezidenti Vladimir Zelenski də Çini Ukrayna sülh formulasına qoşulmağa çağırıb.