20.06.2023/12:29/Ukrayna münaqişəsində Hindistan sülh, beynəlxalq hüquqa və suverenliyə hörmətin tərəfdarıdır

Ukrayna münaqişəsində  Hindistan sülh, beynəlxalq hüquqa və suverenliyə hörmətin tərəfdarıdır.

Hindistan Ukrayna münaqişəsində neytral deyil.

xeberaz.info xəbər verir ki, Hindistanın baş naziri Narendra Modi bildirib ki, Ukrayna ətrafındakı vəziyyətlə bağlı Hindistan sülh, beynəlxalq hüquqa və suverenliyə hörmətin tərəfdarıdır. O, Hindistanın mövqeyinin “neytral olmadığını” və “münaqişəyə son qoymaq və davamlı sülh və sabitliyi təmin etmək üçün bütün real cəhdləri” dəstəkləyəcəyini əmin edir.

“The Wall Street Journal”a müsahibəsində cənab Modi bildirib ki, münaqişələr diplomatiya və danışıqlar yolu ilə həll edilməlidir. Onun dediyi kimi, “Hindistanın əsas prioriteti sülhdür”. “Mən düşünmürəm ki, bu, ABŞ-da çox geniş yayılmış fikirdir… Bəzi insanlar bizim neytral olduğumuzu deyir, amma neytral deyilik. Biz sülhün tərəfindəyik. Bütün ölkələr beynəlxalq hüquqa və dövlətlərin suverenliyinə hörmət etməlidir”, – Hindistanın baş naziri belə əlavə edib.

Bu il G20 blokuna sədrlik edən Hindistan Rusiyanın Ukraynadakı hərbi əməliyyatını açıq şəkildə pisləməkdən çəkinib. Narendra Modi sağlam düşüncəyə və 20 aparıcı dövlətin liderlərinin sülh istəyinə ümid etdiyini bildirib. May ayında Hindistanın baş naziri G7-nin Xirosima sammiti çərçivəsində Ukrayna prezidenti Vladimir Zelenski ilə görüşüb. İyunun 21-24-də cənab Modi ABŞ-a səfər edəcək.