ABŞ Belarus hakimiyyətinə qarşı sanksiyalar rejimini bir il müddətinə uzadıb.
xeberaz.info xəbər verir ki, ABŞ prezidenti Co Bayden ABŞ-ın Belarus rəhbərliyinin nümayəndələrinə qarşı sanksiyalarını bir il müddətinə uzadıb. Bu barədə Ağ Evin saytındakı qətnamədə deyilir.
Qeyd olunur ki, Belarus hökumətinin müəyyən nümayəndələrinin hərəkətləri milli təhlükəsizliyə və ABŞ-ın xarici siyasətinə təhlükə yaradır.
Bundan əvvəl Rusiya Təhlükəsizlik Şurasının katibi Nikolay Patruşev ABŞ-ın Rusiya və Belarusa qarşı elan olunmamış müharibə apardığını bildirmişdi.