xeberaz.info
Azərbaycanın ağır atletləri İrəvanda.
xeberaz.info eadaily-ya istinadən bildirir ki, Azərbaycan nümayəndə heyəti qarşıdan gələn ağır atletika üzrə Avropa çempionatında iştirak etmək üçün artıq İrəvana gəlib, bu barədə bu gün, aprelin 13-də jurnalistlərə Ermənistan hökumət aparatının rəhbəri, Avropa çempionatına hazırlıq üzrə təşkilat komitəsinin sədri Arayik Arutyunyan bildirib.
4-ü idmançı olmaqla 12 nəfərdən ibarət Azərbaycan nümayəndə heyəti artıq İrəvana gəlib. İdman dünyasında komandaların, o cümlədən münaqişəli ölkələrin qəbulu adi bir təcrübədir. Ermənistan və Azərbaycan Avropa Ağır Atletika Federasiyasının bir hissəsidir. Onlar Avropa çempionatında iştirak üçün müraciət edə bilərdilər və buna nail oldular”, – Arutyunyan belə qeyd edib.
Onun sözlərinə görə, Ermənistan Avropa çempionatında iştirak etmək arzusunu bildirmiş ölkələrin nümayəndə heyətlərini qəbul etməyə borcludur. Avropa çempionatına hazırlıq mərhələsində Ermənistan tərəfi Avropa Ağır Atletika Federasiyası vasitəsilə təhlükəsizlik məsələləri ilə bağlı azərbaycanlı həmkarları ilə əlaqə saxlayıb.
Əlavə təhlükəsizlik zəmanəti istədilər, biz də təmin etdik,- təşkilat komitəsinin sədri belə məlumat verib.
Erməni mətbuatının məlumatına görə, Azərbaycan nümayəndə heyəti İrəvandakı Zvartnots beynəlxalq hava limanına gələrkən, gücləndirilmiş polis dəstəsi və Ermənistan Daxili İşlər Nazirliyinin xüsusi təyinatlı əsgərləri olub.
Aprelin 14-23-də Ermənistan paytaxtında ağır atletika üzrə Avropa çempionatı keçiriləcək.
Çempionat ərəfəsində aprelin 11-də Ermənistan-Azərbaycan sərhədinin hissələrindən birində baş vermiş və hər iki tərəfin itkisi ilə nəticələnən silahlı insidentdən sonra Azərbaycanın yarışda iştirakdan imtina etməsi ilə bağlı təkliflər səslənmişdi.