xeberaz.info
Aİ Rusiyanın nüvə silahlarının Belarusda yerləşdirilməsi ilə bağlı yeni sanksiyalarla cavab verməyə hazırdır.
xeberaz.info Rusiya KIV-lərinə istinadən bildirir ki, Avropa İttifaqının xarici siyasət rəhbəri Josep Borrell bildirib ki, Moskva Belarusda taktiki nüvə silahı yerləşdirərsə, Avropa İttifaqı Rusiyaya qarşı yeni sanksiyalar tətbiq etməyə hazırdır. Bu barədə Borrell öz Twitter səhifəsində yazıb.
Borrel qeyd edib ki, Minsk hələ də buna mane ola bilər. Avropa İttifaqı əlavə sanksiyalarla cavab verməyə hazırdır.
Avropa diplomatiyasının rəhbəri Rusiya Federasiyasının bu niyyətini eskalasiya və Avropanın təhlükəsizliyinə təhdid adlandırıb.
Bundan əvvəl Rusiya prezidenti Vladimir Putin Rusiya Federasiyasının Belarusda taktiki nüvə silahı yerləşdirəcəyini bildirmişdi. Rusiya dövlətinin başçısı qeyd edib ki, 2023-cü il iyulun 1-də respublikada taktiki nüvə silahları üçün anbarın tikintisi başa çatacaq.
Reuters xəbər verir ki, NATO rəsmisi Rusiya lideri Vladimir Putinin bəyanatından sonra Şimali Atlantika Alyansının Belarusda taktiki nüvə silahlarının yerləşdirilməsi ilə bağlı vəziyyəti diqqətlə izlədiyini bildirib.