xeberaz.info
Ərdoğan Finlandiyanın NATO-ya müraciətinin ratifikasiyaya başlaması barədə Stoltenberqi məlumatlandırıb.
xeberaz.info Rusiya KİV-lərinə istinadən bildirir ki, Türkiyə prezidenti Rəcəb Tayyib Ərdoğan cümə günü NATO-nun baş katibi Yens Stoltenberqə Ankaranın Finlandiyanın Şimali Atlantika Alyansına qoşulmaq üçün müraciətini ratifikasiya etməyə başlaması barədə məlumat verib. Bu barədə Türkiyə prezidentinin dəftərxanasında jurnalistlərə məlumat verilib.
Danışıqlar zamanı Finlandiya və İsveçin NATO-ya daxil olması prosesi ilə bağlı hadisələr müzakirə olunub. Prezident Ərdoğan Finlandiyanın bu prosesə münasibəti ilə İsveçdən müsbət şəkildə fərqləndiyini və Türkiyənin Böyük Millət Məclisində Finlandiyanın NATO-ya daxil olması ilə bağlı protokolun təsdiqi prosesinə başlamaq qərarına gəldiyini bildirib.
Bundan əlavə, Ərdoğan Stoltenberqə İsveçin NATO-ya daxil olması məsələsi ilə bağlı danışıqları davam etdirmək niyyəti barədə məlumat verib. Türkiyə prezidentinin sözlərinə görə, bu prosesin inkişafı birbaşa İsveçin atacağı konkret addımlardan asılı olacaq.
Ərdoğan cümə günü Ankaranın Finlandiyanın NATO-ya daxil olmasını ratifikasiya etməyə hazır olduğunu açıqlayıb.