xeberaz.info
ABŞ Ukraynaya yeni hərbi yardım paketi hazırlayıb.
xeberaz.info eadaily-ya istinadən bildirir ki, Ağ Evin strateji kommunikasiyalar üzrə koordinatoru Con Kirbi bildirib ki, ABŞ yaxın günlərdə Ukraynaya yeni hərbi yardım paketini açıqlayacaq.
Yaxın günlərdə daha bir elan görəcəksiniz,- o, jurnalistlərə belə bildirib.
Kirbi əlavə edib ki, Vaşinqton Kiyevi silahla təmin etməkdə davam edəcək və konkret növ silahların, o cümlədən təyyarələrin verilməsi ilə bağlı qərarlar digər ölkələrlə “paralellik olmadan” qəbul edilir.
Daha əvvəl o qeyd edib ki, Polşanın MiQ-29 qırıcılarını Ukraynaya təhvil verməsi ABŞ-ın hazırda nəzərdən keçirilməyən F-16-nın verilməsi imkanları ilə bağlı planlarını dəyişmir.
Rusiya Ukraynaya silah göndərdiyi üçün bundan əvvəl NATO ölkələrinə nota göndərmişdi. Rusiyanın xarici işlər naziri Sergey Lavrov qeyd edib ki, Ukrayna üçün silah olan istənilən yük Rusiya üçün qanuni hədəfə çevriləcək.