xeberaz.info
ABŞ Çin şirkətlərinə qarşı sanksiyalar tətbiq edir.
xeberaz.info-nun eadaily-ya istinadən məlumatına görə ABŞ İrana pilotsuz uçuş aparatlarının istehsalı və satın alınmasında dəstək verdiyinə görə bir sıra Çin şirkətlərinə sanksiya tətbiq edir. Bu barədə ötən gün, martın 9-da ABŞ Maliyyə Nazirliyi məlumat yayıb.
ABŞ Maliyyə Nazirliyinin Xarici Aktivlərə Nəzarət İdarəsi İranın pilotsuz uçuş aparatları almaq səylərini dəstəklədiyi üçün beş şirkət və bir şəxsə məhdudiyyətlər qoyub, – ABŞ Maliyyə Nazirliyinin mətbuat şərhində belə deyilir.
Vaşinqtonun verdiyi məlumata görə, sanksiya tətbiq edilən şəbəkə Çində yerləşir və minlərlə aerokosmik hissələrin, o cümlədən İHA tətbiqləri üçün istifadə edilə bilən komponentlərin satışı və daşınmasına cavabdehdir.
Sanksiya siyahısına Çinin KOTO Machinery, Guilin Alpha Rubber & Plastics Technology, S&C Trade PTY və onun əməkdaşlarından biri olan Shenzhen Caspro Technology, eləcə də Honq-Konqda yerləşən Raven International şirkətləri daxildir.