xeberaz.info
Böyük Britaniyanın Müdafiə Nazirliyi kəşfiyyat şarları almağı planlaşdırır.
xeberaz.info-nun məlumatına görə Böyük Britaniya Müdafiə Nazirliyi düşmən dövlətləri izləmək üçün bir neçə kəşfiyyat balonları almaq niyyətindədir. 2022-ci ildə Britaniya hakimiyyəti ABŞ şirkəti Sierra Nevada Corporation ilə stratosferik pilotsuz uçuş sistemlərinin inkişafı üçün 100 milyon funt sterlinqlik (120 milyon dollar) müqavilə bağlayıb. Bu barədə çərşənbə axşamı The Times nəşri xəbər verir.
Nəşr qeyd edib ki, bu istiqamətdə iş Böyük Britaniya Müdafiə Nazirliyinin “Aether” adlı layihəsi çərçivəsində aparılır. Kəşfiyyat şarları 15-24 km yüksəklikdə uça bilir. Böyük Britaniya hökuməti 2022-ci ilin payızında Page (Arizona) şəhəri üzərində sınaq uçuşlarından sonra onları almaqda maraqlı olduğunu təsdiqləyib.
Bu il aparatın 60 günlük sınaq uçuşunun həyata keçiriləcəyi gözlənilir. Eyni zamanda, The Times-ın vurğuladığı kimi, Britaniya hərbi idarəsi də stratosferdə fəaliyyət göstərə bilən adi pilotsuz təyyarələrin inkişafına sərmayə yatırmaq imkanlarını araşdırır.