xeberaz.info
Rusiya Tacikistandan olan tələbələrə təhsil qrantı verəcək.
xeberaz. info-nun məlumatına görə Rusiya ümumi sovet tarixi ilə birləşən ölkələr və nüfuzlu regional təşkilatların üzvləri üçün təhsil qrantlarının verilməsi və birgə layihələrin həyata keçirilməsi üçün böyük dövlət proqramı hazırlayır. Bu barədə Sputnik Tacikistan xəbər agentliyi məlumat yayıb.
Agentliyin məlumatına görə, belə bir bəyanatla Rusiyanın elm və ali təhsil naziri Valeri Falkov Lomonosov adına Moskva Dövlət Universitetinin Düşənbədəki filialına səfəri zamanı çıxış edib.
Bundan əlavə, Rusiya-Tacikistan əməkdaşlığının müzakirəsi zamanı birgə tədqiqat və təhsil layihələri, eləcə də təhsil proqramlarının siyahısının genişləndirilməsi ilə bağlı bir sıra məsələlər nəzərdən keçirilib. Hazırda onların bir neçəsi Rusiya universitetlərinin Düşənbə filiallarında həyata keçirilir.
Falkov Rusiya və Tacikistanda qəbul kampaniyalarının sinxronlaşdırılması mövzusunu da qaldırıb, təhsil və elmin inkişafına mane olan bütün mövcud problemlərin konstruktiv həllinin zəruriliyini qeyd edib.