Bakı hava limanı 12 saat ərzində beynəlxalq reyslərin iki məcburi enişini qəbul edib.
xeberaz.info-nun məlumatına görə Böyük Britaniyanın “Virgin Atlantic” aviaşirkətinin London-İslamabad marşrutu ilə uçan sərnişin layneri Heydər Əliyev Beynəlxalq Aeroportuna təcili eniş üçün sorğu göndərib.
Buna səbəb təyyarədə olan sərnişinin səhhətinin kəskin şəkildə pisləşməsi olub.
Boeing 787-9 yerli vaxtla saat 07.37-də hava limanına təhlükəsiz eniş edib.
Son 12 saat ərzində bu, Bakı hava limanına ikinci məcburi enişdir. Martın 2-də axşam saatlarında həmçinin “Boeing 787”nin göyərtəsində olan sərnişinin səhhətinin pisləşməsi ilə əlaqədar Banqkok-Amsterdam marşrutu ilə uçan Tayvanın “EVA Air” aviaşirkəti də Heydər Əliyev Beynəlxalq Hava Limanına eniş edib.