xeberaz.info
Misir neft müstəqilliyinə nail olmaq istəyir.
xeberaz.info-nun məlumatına görə Misir neft məhsullarının idxalından müstəqillik əldə etməyi planlaşdırır. Bu barədə Rusiyanın Misirdəki Ticarət Nümayəndəliyi məlumat yayıb.
Misirin neft və mineral sərvətlər naziri Tarek Molla “Əl-Mal” qəzetinə müsahibəsində bildirib ki, Misir yaxın gələcəkdə idxal olunan neft məhsullarından asılılıqdan qurtulmağı planlaşdırır. Əvvəllər 2023-cü ildə neft məhsulları ilə özünütəminata nail olmaq planlaşdırılırdı, lakin nazirin sözlərinə görə, hazırda qlobal vəziyyətlə əlaqədar şərtlərə düzəlişlər edilir.
Molla, cari dövrdə sənayenin ən iddialı layihələri kimi Misirdə ən böyük olacaq İsgəndəriyyə bölgəsində MIDOR neft emalı zavodunun, eləcə də Assiut bölgəsində ANOPC neft emalı zavodunun tikintisi layihəsini adlandırıb.
Hazırda Misirdə neft məhsullarının idxalının həcmi daxili istehlakın təxminən 20%-ni təşkil edir.